முத்துப்பேட்டை அருகே தனியார் பள்ளி வேன் கவிழ்ந்து 5 மாணவர்கள் காயமடைந்தனர்.

டிசம்பர் 23: முத்துப்பேட்டையில் உள்ள ஒரு தனியார் மெட்ரிக் பள்ளியில் செங்காங்காடு, அறமங்காடு பகுதியில் உள்ள 75ம் மேற்பட்ட மாணவர்கள் படித்து வருகின்றன. இவர்கள் பள்ளிக்கு சொந்தமான வேனில் சென்று வருகின்றனர். இந்நிலையில் நேற்று மாலை முத்துப்பேட்டையிலிருந்து பள்ளி முடிந்து மாணவர்களை ஏற்றி கொண்டு வேன் வந்தது. துறை தோப்பு- அறவங்காடு சாலையில் டிரைவரின் கட்டுப்பாட்டை இழந்து சாலையோரத்தில் இருந்த தென்னை மரத்தில் மோதி வேன் சாய்ந்து விபத்துக்குள்ளானது. இதில் அறமாங்காட்டை சேர்ந்த எல் கேஜி மாணவன் லோகேஷ் உட்பட 5 மாணவர்கள் காயமடைந்தனர். அலறம் சத்தம் கேட்டு அப்பகுதி பொதுமக்கள் வந்து ஜன்னல் வழியாக மாணவர்களை மீட்டனர்.

விபத்து ஏற்பட்டு பள்ளி வேன் சாலையோர வாய்க்காலுக்குள் விழாமல் மரத்தில் சாய்ந்ததால் அதிர்ஷ்டவசமாக பெரும் விபத்து தவிர்க்கப்பட்டது. இது குறித்து முத்துப்பேட்டை போலீசார் வழக்குப்பதிந்து விசாரணை நடத்தி வருகின்றனர்.