அமீரகத்தில் நடைபெற்ற ஈத் பெருநாள் தொழுகை மற்றும் புகைப்படம்.

ஆகஸ்ட் 08: அல்லாஹ்வின் பேரருளால் துபையில் உள்ளிட்ட அமீரக நாடுகளின் பல்வேறு பகுதிகளில் இன்று 08.08.2013 வியாழக்கிழமை ஈகைத் திருநாள் உற்சாகமாக கொண்டாடப்பட்டது.

ஈகைத் திருநாளையொட்டி பள்ளிவாசல்களில் காலை 6.10 மணிக்கு சிறப்புத் தொழுகை நடைபெற்றது. இதில் அமீரக மக்களும், அமீரகத்தில் பணிபுரிந்து வரும் பல்வேறு நாட்டவரும் கலந்து கொண்டனர். பெண்களுக்கு தனியிட வசதி செய்யப்பட்டிருந்தது.

பள்ளிவாசல்கள் மட்டுமல்லாது ஈத்கா மைதானங்களிலும் சிறப்புத் தொழுகை நடைபெற்றது. உலக அமைதிக்காகவும் சிறப்பு பிரார்த்தனை இடம் பெற்றது. தொழுகைக்குப் பின்னர் ஒருவருக்கொருவர் வாழ்த்துக்களைத் தெரிவித்துக் கொண்டனர். அமீரகத்தின் துபாய் நகரில் டேரா-ஈத்கா மைதானத்தில் அதிகாலை முதலே மக்கள் பெருந்திரளாகக் கூடினர்.

 இதில் உலகின் பல்வேறு பகுதியினரும் பங்கேற்று சிறப்பித்தனர்.

சவுதி அரேபியா, கத்தார், பஹ்ரைன் உள்ளிட்ட வளைகுடாவின் பல்வேறு பகுதிகளிலும் ஈகைத் திருநாள் உற்சாகமாக கொண்டாடப்பட்டது.

அனைத்து சகோதர, சகோரிகளுக்கும் முத்துப்பேட்டை பிபிசியின் இணையதளத்தின் "நோன்பு பெருநாள் நல்வாழ்த்துக்கள்".

 புகைப்படம்: S.அப்துல் ஹமீது.