முத்துப்பேட்டை அருகே இளம் பெண் காரில் கடத்தல்.

நவம்பர் 03: முத்துப்பேட்டை அருகே உள்ள உதயமார்த்தாண்ட புரம், கீழக்காடு பகுதியைச்  சேர்ந்த  தங்கராசு மகள் சவுந்தர்யா (வயது 20).

இவர் நேற்று இரவு வீட்டில் இருந்தபோது தோழி என்ற இடத்தைச் சேர்ந்த மருதுபாண்டி (25)  உள்பட  3 பேர் காரில்  வந்தனர்.  அவர்கள்   சவுந்தர்யாவை அவரது  அக்காள்  மற்றும் பாட்டி முன்னிலையில் காரில் கடத்தி  சென்றனர்.

இதுபற்றி தங்கராசு எடையூர் போலீசில் புகார் செய்தார். அதன்பேரில் போலீசார்  வழக்குப்பதிவு செய்து இளம் பெண்ணை கடத்திய 3 பேரையும் தேடி வருகிறார்கள்.

மருதுபாண்டி சவுந்தர்யாவை காதலித்து வந்ததாகவும், இந்த நிலையில் மருதுபாண்டி ஒரு வழக்கில் தொடர்புடையவர் என்று தெரியவந்ததால் அவரை  சந்திக்க சவுந்தர்யா மறுத்ததாகவும் கூறப்படுகிறது.

 இதன் காரணமாக சவுந்தர்யா கடத்தி செல்லப்பட்டாரா? என்பது குறித்து போலீசார்  விசாரணை  நடத்தி  வருகிறார்கள்.

இந்த சம்பவம் முத்துப்பேட்டை பகுதியில் பரபரப்பை ஏற்படுத்தி உள்ளது.

தகவல்: முத்துப்பேட்டைblog