துபாயில் இருந்து திருச்சி செல்லும் பயணிகளின் கவனத்திற்கு.

அக்டோபர் 26: துபாயில் இருந்து திருச்சி தினமும் இயக்கப்பட்டு வரும் ஏர் இந்தியா எக்ஸ்பிரஸ் நேரடி விமான சேவை, இரவு நேரத்திலிருந்து பகல் நேரத்திற்கு மாற்றப்பட்டுள்ளது.

துபாயில் இருந்து திருச்சிக்கு ஏர் இந்தியா எக்ஸ்பிரஸ் விமானம் தினமும் நேரடியாக இயக்கப்படுகிறது. அதன்படி, துபாயிலிருந்து தினமும் இரவு, 6.20 மணிக்கு புறப்பட்டு இரவு 12 திருச்சி வரும் ஏர் இந்தியா எக்ஸ்பிரஸ் விமானம், மீண்டும் இங்கிருந்து 12.55 மணிக்கு பயணிகளை ஏற்றிக் கொண்டு துபாய்க்கு புறப்பட்டு செல்லும். பொதுவாக பருவநிலை மாற்றத்ததைக் கருதி விமான பயண நேர சேவைகளின் நேரம் குறிப்பிட்ட மாதங்களுக்கு ஒருமுறை மாற்றப்படுவது வழக்கம். அதன்படி, தற்போது ஏற்பட்டுள்ள பருவநிலை மாற்றத்திற்கு தகுந்தாற்போல், துபாய்-திருச்சி ஏர் இந்தியா எக்ஸ்பிரஸ் விமானத்தின் பயண நேரம் இரவு நேரத்திலிருந்து, பகல் நேரத்திற்கு நேற்று (25-10-2015) முதல் மாற்றப்பட்டுள்ளது. அதன்படி தினமும் காலை 7.15 மணிக்கு துபாயிலிருந்து புறப்பட்டு  திருச்சிக்கு பகல் 12.45 மணிக்கு வந்தடையும். திருச்சியிலிருந்து மீண்டும் மதியம் 2.05 மணிக்கு புறப்பட்டு மாலை 5.05 துபாய்க்கு சென்றடையும். இந்த மாற்றம் நேற்று முதல் அமலுக்கு வந்தது. புதிய விமானம் புறப்படும் நேரம் வரும் டிசம்பர் 6ம் தேதி வரை நடைமுறையில் இருக்கும் என்றும், அதன்பின்னர் மாற்றம் செய்யப்படும் என்று ஏர் இந்தியா எக்ஸ்பிரஸ் நிறுவனம் தெரிவித்துள்ளது.