செப்டம்பர் 19: முன்னாள் குடியரசுத் தலைவர் டாக்டர். ராதா கிருஷ்ணன் பிறந்த நாளையொட்டி சிறப்பாக பணியாற்றிய ஆசிரியர்களுக்கு தமிழக அரசினால் ஆசிரியர் தினத்தன்று நல்லாசிரியர் விருது வழங்கப்படுகிறது.
இந்த ஆண்டிற்கான தமிழக அரசின் நல்லாசிரியர் விருது திருவாரூர் மாவட்டத்தை சேர்ந்த சேரன்குளம் அரசு மேல் நிலைப்பள்ளியின் தலைமையாசிரியர் கு.மாந்தரையன் (முன்னால் முத்துப்பேட்டை அரசினர் ஆண்கள் மேல்நிலைப்பள்ளி ஆசிரியர்), நெடும்பலம் அரசு மேல் நிலைப்பள்ளியின் தலைமையாசிரியர் ஆர்.செல்லதுரை, மணலி அரசு உயர்நிலைப்பள்ளியின் தலைமையாசிரியர் ஆர்.நாகராஜன், தீபங்குடி ஊராட்சி ஒன்றிய தொடக்கப் பள்ளியின் தலைமை யாசிரியர் இரா.தேவி, நன்னிலம் மணவாளம் பேட்டையில் அரசு நிதியுதவியின் கீழ் செயல்பட்டு வரும் தொடக்கப்பள்ளியின் தலைமையாசிரியர் பி.ஷீலா, ஆகிய 5 ஆசிரியர்களுக்கு வழங்கப்பட்டுள்ளது.
விருது பெற்ற ஆசிரியர்களுக்கு மாவட்ட கலெக்டர் நடராசன் பொன்னாடை போர்த்தி, இனிப்புகள் வழங்கி வாழ்த்து தெரிவித்தார். இந்த நிகழ்ச்சியில் முதன்மை கல்வி அலுவலர் நிர்மலா, கல்வித்துறை அலுவலர்கள் கலந்து கொண்டனர்.
தமிழக அரசின் நல்லாசிரியர் விருது பெற்ற ஆசிரியர் கு.மாந்தரையன் (முன்னால் முத்துப்பேட்டை அரசினர் ஆண்கள் மேல்நிலைப்பள்ளி) அவர்களுக்கு முத்துப்பேட்டை.ORG , முத்துப்பேட்டை பிபிசி இணையதளத்தின் சார்பாக வாழ்த்துக்களை தெரிவித்துக்கொள்கிறாம்.
தகவல்: சுல்தான் இப்ராஹிம் (சுனா இனா)
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment